Jherusalem aourer Nostre Seigneur ; et sont les gens de celle terre crestiens.. Je fui en leur eglizes, et vi la figure de Jhesu Crist paint, comment li t roy roy`li offrirent or, mirre et encens. Par ces trois roys tindrent et orent prumierement cil de Tangat la foy crestienne, et par aulz sont maintenant Cham li roys des Tartarins et sa gent. Devant leur portes sont les eglizes, la ou on sonne les cloches selonc les Latins, et tables selonc la maniere des Grieus; et va on prumierment saluer Nostre Seigneur au matin, puis après Cham en son palais. Nous avons trouvé moult de crestiens dispers et espandus par la terre dOrient, et moult de eglizes hautes et beles, anciennes, qui ont esté gastees parles Tartarins avant quil feussent crestien; dont il est avéné que li crestien dOrient, qui estoient espandu par divers lieus, sont venu' au roy Cham des Tartarins qui maintenant regne, et a painnes porent estre assamblé en un lieu, lesquels il a receu a grant honneur et leur a donné franchize, et fait crier partout que nulz ne soit si hardis qui les courouce, ne de fait, ne de paroles. Et pourceque Nostres Sires Jhesu Christ navoit en ces parties qui prestat pour lui son non, il meismes par ces saintes vertus que il a demonstré et preschié en tele maniere que les gens croient en lui. En la terre dInde que saint Thoumas converti a la foy crestienne, avoit I. roy crestien entre les autres Sarrasins, que li Sarrasin avoient moult de maus fays et de griés, jusques a tant que Tartarin vindrent qui pristrent sa terre en leur main, et en, fu leur honc ; il assambla son ost avec lost des Tartarins et entra en Inde contre les Sarrasins, et conquit tant .que toute sa terre est plainne desclaves et de gens indes; et de ces esclaves je vis plus de V. C. mil, que li roys commanda a vendre. Si sachiés que li papes a envoié au roy Cham des Tartarins, messages pour savoir se il estoit crestiens, et pourquoy il avoit envoié sa gent pour ocirre et tuer 1 es crestiens et le peuple. A ce respondi li roys Cham, que nostre Sires Diex avoit mandé a ses devanciers ayeulz et bezaieulz, quil envoiassent leur gens pour occirre et pour destruire les mauväizes gens. Et a ce qui li papes li manda se il estoit crestiens, il respondi que ce savoit Diex; et 'se li papes
IIIFカラー高解像度
